Samara vilayətinin Tolyatti şəhərində terror aktı nəticəsində ölənlərlə bağlı noyabrın 1-də matəm elan olunub. Avtobusda baş vermiş partlayış nəticəsində ölənlərin sayı 8-ə çatıb. Onlarla adam yaralanıb.
Avtobusda partlayıcı qurğu işə düşüb. Qurğunun gücü trotil ekvivalentində iki kiloqram təşkil edib.
Əsas versiya kimi terror aktı nəzərdən keçirilir. Bunu Samara vilayətinin qubernatoru Vladimir Artyakov bildirib.
Hadisə ilə bağlı Rusiya Federasiyası Cinayət Məcəlləsinin üç - terrorçuluq, kütləvi qətl və partlayıcının qanunsuz saxlanması maddələri ilə cinayət işi açılıb.
