Bunu Dini Qurumlarla İş üzrə Dövlət Komitəsinin rəhbəri Hidayət Orucov «Azadlıq» radiosuna müsahibəsində Azərbaycanda radikal dini qrupların fəaliyyətinə münasibət bildirərkən deyib.
Oktyabrın 29-da Milli Təhlükəsizlik Nazirliyi bir qrup vəhhabiyə qarşı həyata keçirilmiş əməliyyatla bağlı rəsmi açıqlama yayıb.
H. Orucov deyir ki, Dini Komitə belə qruplar barədə məlumatlıdır:
«Dəfələrlə güc strukturları bu qruplara qarşı tədbirlər görüblər. Amma təəssüf ki, onları düz yola gətirmək hələ də mümkün olmayıb. Radikal dini qruplar zəif olsa da, hələ də var. Dövləti təhlükə olmasa da, belə qruplar cəmiyyəti narahat edirlər».
Komitə rəhbəri hesab edir ki, məsələ birdəfəlik tənzimlənməlidir:
«Azərbaycandakı demokratik mühitdən, dini tolerantlıqdan sui-istifadə etməyə heç kəsin haqqı yoxdur».