Oktyabrın 23-də dövlət başçısı İlham Əliyev Qobustan rayonunun Mərəzə qəsəbəsində olimpiya kompleksinin təməlqoyma mərasimində iştirak edib.
2009-cu ilin əvvəlində istifadəyə verilməsi nəzərdə tutulan kompleksə 950 tamaşaçı yeri olan idman zalı, futbol, voleybol meydançaları, tennis kortu, 3 mərtəbəli otel daxildir. Mərəzədə daha bir neçə obyektə baş çəkən İlham Əliyev gün ərzində həmçinin İsmayıllı rayonunun Gəraybəyli kəndi yaxınlığında Oğuz-Bakı su kəmərinin tikintisi ilə də tanış olub. Kəmərin uzunluğu 250 km-ə yaxındır. 2008-ci ildə istismara verilməsi nəzərdə tutulur.