«Bakının ATƏT çərçivəsində rolu daha da fəallaşır»

«Azərbaycan ATƏT-in 56 üzv ölkədən ibarət ailəsində çox vacib rola malikdir və getdikcə Bakının ATƏT çərçivəsində rolu daha da fəallaşır». ATƏT-in baş katibi Mark Perren de Brişambo belə deyib.

ATƏT rəsmisi bildirib ki, 2008-ci ilin prezident seçkisi Azərbaycan üçün çox önəmli ildir: «ATƏT bu dövr ərzində həm hökumət, həm də vətəndaş cəmiyyətinin müxtəlif təbəqələri ilə olduqca sıx fəaliyyət həyata keçirəcək ki, seçkilər dünyada mövcud olan ən yüksək standartlara müvafiq olsun».

Brişambo bildirib ki, onlar həbsdə olan jurnalistlərin məsələsini diqqətdə saxlayacaqlar və məhkəmə proseslərində ədalətin təmin olunmasına nəzarət edəcəklər.