Oktyabrın 12-də Xəzər üzərində qəzaya uğramış «Mİ-8T» vertolyotunun «qara qutu»sunun zədələnməsilə əlaqədar, onun içindəki məlumatı «oxumaq» olmur. Buna görə, «qara qutu»nu ekspertiza üçün Dövlətlərarası Aviasiya Komitəsinə göndərmək qərara alınıb. Bu barədə «Turan»a «AZAL» dövlət konsernindən bildiriblər.
Vertolyotun tapılmamış iki sərnişinin axtarışları davam edir. Daha əvvəl ekipajın 4 üzvünün cəsədləri tapılmışdı.
«Mİ-8T» oktyabrın 12-də «Neft daşları» yaxınlığında qəzaya uğrayıb.