Oktyabrın 9-da ATƏT-in Bakı ofisi məhkəmələr və hakimlərlə bağlı toplantı keçirir. Beynəlxalq təşkilatlar mütəmadi olaraq öz hesabatlarında Azərbaycan vətəndaşlarının hüquqlarının ən çox pozulduğu yer kimi Azərbaycanın yerli məhkəmələrinin adlarını çəkirlər, hökuməti bu sahədə islahatları gücləndirməyə çağırırlar. Bununla bağlı hakimlər üçün treninqlər keçirirlər.
Məhkəmələrdəki vəziyyət hökuməti də narahat edir. Prezident tez-tez çıxışlarında məhkəmələrdə islahatların sürətlə aparılmasının vacib olduğunu deyir. Ədliyyə Nazirliyi isə islahatların sürətləndirilməsi üçün beynəlxalq təşkilatlarla müştərək proqramlar hazırlayır.