İnternet məkanda Contact.com.az adlı yeni informasiya resursu yaranıb.
Bu, «Turan» İnformasiya Agentliyi tərəfindən NED-in (National Endowment for Democracy) dəstəyi ilə üç dildə buraxılan internet-qəzetdir.
«Turan»ın məlumatına görə, contact.com.az saytına çıxış sərbəstdir və dərc olunan bütün informasiyalar pulsuzdur.
Bu qəzetin yaradılmasının məqsədi internet istifadəçilərinin Azərbaycandan obyektiv və operativ informasiyaya çıxışını təkmilləşdirməkdir. Saytda istifadəçilərin qəzetdə nəşr olunanları və istənilən başqa mövzuları müzakirə edə, təkliflər irəli sürə biləcəkləri forum fəaliyyət göstərir.