«Azərbaycanda boşanma halları azalıb. Azalma özünü nəinki Azərbaycanın regionlarında, o cümlədən Bakıda da göstərir». Bunu Ailə, Qadın və Uşaq problemləri üzrə Dövlət Komitəsinin sədri Hicran Hüseynova deyib. O, bildirib ki, hazırda Azərbaycanda 1 milyon doqquz yüz minə yaxın ailə var.
Amma Komitənin sədri yenə də vurğulayıb ki, erkən nikah problemi hələ də qalmaqdadır. Bu problem isə özünü əsasən cənub rayonlarında göstərir. Komitənin UNİCEF-lə birgə apardığı araşdırmaya görə, erkən nikaha girən qızların 90 faizinin uşaqları sağlam doğulmur.
Bu il ərzində 1 yaşa qədər ölən uşaqların sayı 1508 olub.