Cavad xan haqqında filmin çəkilişləri başa çatıb. Bu haqda «TrendLife» məlumat yayıb.
Filmin ssenari müəllifi, xalq şairi Sabir Rüstəmxanlıdır, quruluşçu rejissor Rövşən Almuradlı, baş rolun ifaçısı isə Nurəddin Mehdixanlıdır.
Azərbaycan kinosu tarixində ilk dəfə olaraq, kompyuter qrafikasından istifadə edilən «Cavad xan» filminin yanvarın sonunda təhvil verilməsi nəzərdə tutulur. Hazırda filmin istehsalında yekun mərhələyə - montaj və səsləndirilməyə hazırlıq görülür.