Azərbaycan Xarici İşlər nazirinin müavini Xələf Xələfov oktyabrın 3-də Düşənbəyə gedib. Oktyabrın 4-də Düşənbədə MDB Xarici İşlər Nazirləri Şurası toplaşır. Xarici İşlər naziri Elmar Məmmədyarov Nyu-Yorkda səfərdə olduğundan, onu Şuranın iclasında müavini Xələf Xələfov əvəzləyir.
Oktyabrın 5-7-də Düşənbədə MDB-nin illik sammiti keçirilir. Xarici İşlər nazirləri isə sammitdə qəbul ediləcək bəyannaməni və digər sənədləri hazırlayacaqlar.
MDB sammitində prezidentlərdən Ukraynanın dövlət başçısı Viktor Yuşşenkonun iştirakı gözlənilmir.
