Oktyabrın 15-də UEFA-nın prezidenti Mişel Platini Bakıya gələcək. Gənclər və İdman naziri Azad Rəhimovun «Azadlıq» radiosuna verdiyi məlumata görə, Platini AFFA-nın yeni binasının açılışında iştirak edəcək.
Prezident İlham Əliyevin də onu qəbul edəcəyi və ölkənin yüksək orden və ya medallarından biri ilə təltif edəcəyi də gözlənir.
Dünya futbolunun ulduzlarından olan Mişel Platini azərbaycanlı futbol azarkeşləri arasında Fransa yığma komandasının kapitanı kimi çıxış etdiyi illərdə sevilirdi.