Keçid linkləri

2024, 29 Mart, Cümə, Bakı vaxtı 04:03

Cavad xanın nəticəsi Azərbaycan vətəndaşlığını alıb


«Birinci şəxsəm ki, prezident İlham Əliyev mənə vətəndaşlıq verib»
«Birinci şəxsəm ki, prezident İlham Əliyev mənə vətəndaşlıq verib»

Gəncə xanı Cavad xanın nəticəsi Rza Cavadxani Azərbaycan vətəndaşlığını alıb.


Bu barədə «Azadlıq» radiosuna Cavadxani özü məktubla məlumat verib.


Məktubda deyilir: «Böyük iftixar hissi ilə sizə bildirirəm ki, mən artıq Azərbaycan vətəndaşıyam. Birinci şəxsəm ki, prezident İlham Əliyev mənə vətəndaşlıq verib».


Xaricdə Yaşayan Azərbaycanlılarla İş üzrə Dövlət Komitəsinin mətbuat xidməti bu xəbəri təsdiqləyib.


Rza Cavadxani ABŞ-da yaşayır. O, Bakıya bir neçə dəfə dəvət olunsa da, öz vətəninə viza ilə gəlmək istəmədiyini, Azərbaycan vətəndaşlığı almaq arzusunda olduğunu bildirmişdi. Cavadxani bu yaxınlarda Gəncənin 2501 illiyi ilə bağlı tədbirlərdə iştirak edib.


Cavad xan Gəncənin sonuncu xanı olmuş və XIX əsrin əvvəllərində Azərbaycanın çar Rusiyası tərəfindən işğalı zamanı rus qoşunlarına müqavimət göstərib və həlak olub.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG