Sentyabrın 22-də Azərbaycan Kommunist Partiyası (AKP) Mərkəzi Komitəsinin plenumu keçirilib və təşkilatı məsələlər müzakirə edilib.
AKP sədrinin müavini Rüstəm Şahsuvarov «Turan»a bildirib ki, partiya sədrinin müavini Rauf Qurbanov AKP-dəki bütün vəzifələrdən kənarlaşdırılıb. Buna səbəb onun «nizamnaməni kobud şəkildə pozmasıdır».
Bundan əlavə, AKP-nin Gəncə şəhər təşkilatına Qurbanovu öz sıralarından kənarlaşdırmaq tövsiyə edilib.
Rauf Qurbanovun özü qurultayda iştirak etməyib.
Plenum həmçinin, Rüstəm Şahsuvarovu AKP sədrliyinə namizəd irəli sürüb, oktyabrın 14-də partiyanın qurultayının keçirilməsi barədə qərar qəbul edib. Sədrlik məsələsinə də məhz qurultayda baxılacaq.
AKP rəhbərinin seçkiləri partiyanın keçmiş sədri Ramiz Əhmədovun vəfat etməsi ilə əlaqədar keçirilir.
