Polisə zəng edərək Qəbələ RLS-i partlatmaq istədiyini bildirən şəxs müəyyən edilərək saxlanıb.
Bu barədə Bakı şəhər Baş Polis İdarəsindən «Turan»a bildiriblər.
Hadisə sentyabrın 16-da baş verib. Müəyyən edilib ki, zəng edən şəxs Binəqədi rayon sakini, əvvəllər yanğınsöndürən işləmiş Valeri Şubindir. O, polis tərəfindən saxlanaraq, Milli Təhlükəsizlik Nazirliyinə təhvil verilib.
Sentyabrın 22-də isə Bakı Dövlət Universitetinə partlayıcı qoyulması ilə bağlı Yasamal polisinə zəng olub. Polis guya universitetə bomba qoyulması barədə informasiya vermiş qızı saxlayıb. Bu, universitetin kitabxanasının əməkdaşı Kəmalə Sultanovadır. İstintaq aparılır.
