Yunanıstanın Patras şəhərində bədii gimnastika üzrə dünya çempionatında fərdi yarışlar başa çatıb. Çempionatın reqlamentinə görə, ilk 20-liyə düşən idmançılar Pekin olimpiadasına vəsiqə qazanıblar.
Çoxnövçülük yarışlarında iştirak etmiş Azərbaycan idmançılarından Aliyə Qarayeva 5-ci, Dinarə Gimatova isə 13-cu olmaqla bu hüquqa yiyələnib.
Azərbaycan ilk dəfə olaraq olimpiya oyunlarının bədii gimnastika yarışlarında iki idmançı ilə təmsil olunacaq. Yarışların qalibi isə ukaynalı Anna Bessonova olub. /ANS TV/
