«Dağlıq Qarabağın statusunu icmalar bir yerdə müəyyən etməlidi»

«Dağlıq Qarabağın statusunu erməni və azərbaycanlı icmaları bir yerdə müəyyən etməlidi». Bunu italyan jurnalistləriylə söhbətində Azərbaycanın Xarici İşlər naziri Elmar Məmmədyarov deyib. O, bildirib ki, status deyəndə, Azərbaycanın tərkibində muxtariyyətin səviyyəsini nəzərdə tutur.

Məmmdəyarov həmçinin bildirib ki, Amerika, Rusiya və Azərbaycan ekspertləri Qəbələ RLS-ə dair məsləhətləşmələri davam etdirəcəklər, amma sentyabrın 18-də onların stansiyaya səfərinin nəticləri haqda danışmaq tezdi: «Biz qərara gəlmişik ki, üçtərəfli məsləhətləşmələri davam etdirək. İndilik tərəflərdən hər biri ölkəsinə stansiya haqda daha çox informasiya aparıb və gərək onlar situasiyanı qiymətləndirsinlər».

Bu yay Vladimir Putin Amerikaya təklif edib ki, öz raketdən müdafiə sistemini Şərqi Avropada yox, Azərbaycanda yerləşdirsin – Qəbələ RLS-dən Rusiyayla birgə istifadə etsinlər.