Nyu-York rəhbərliyi İran prezidenti Mahmud Əhmədinejadın vaxtilə Ümumdünya Ticarət Mərkəzinin - əkiz göydələnlərin dayandığı əraziyə getmək xahişini rədd edib. Göydələnlər 2001-ci il sentyabrın 11-də terror nəticəsində dağıdılıb.
Polisdən bildiriblər ki, imtinaya səbəb uçan binaların yerində inşaat işlərinin aparılmasıdır.
Əhmədinejad BMT-nin Baş Assambleyasında çıxış etmək üçün Nyu-Yorka gələn həftə səfər edəcək.
1979-cu ildən ABŞ və İranın diplomatik əlaqələri yoxdur. Vaşinqton Tehranı İraqda şiə yaraqlılarını dəstəkləməkdə və nüvə silahı yaratmaq cəhdində ittiham edir.