Yunan-Roma güləşində mübarizə aparan Azərbaycan pəhləvanı Fərid Mansurov Bakıda keçirilən dünya birinciliyinin qızıl medalını alıb.
Fərid Mansurov 66 kq çəkidə mübarizə aparırdı. O, ¼ finala vəsiqə qazanmaq üçün Endriks Artaeqo (Venesuela), Moises Sançes (İspaniya), Cimmi Samuelssonu (İsveç) məğlub edib. Bu mərhələdə azərbaycanlı pəhləvan macarıstanlı Tomaş Lorintsə qalib gəlib, yarımfinalda isə amerikalı Castin Lesteri məğlub edib.
Finalda Fərdi Mansurov Fransa idmançısı Stiv Jeno üzərində qələbə qazanıb.
Fərid Mansurov 2004-cü il Afina Yay Olimpiya Oyunlarının da qalibidir.
