Bu barədə Dövlət Dumasının sədri Boris Qrızlov məlumat verib.
Zubkovun təsdiq olunması məsələsinə sentyabrın 14-də baxılacaq.
Mixail Fradkov başda olmaqla əvvəlki hökumət sentyabrın 12-i səhər istefa verib. Baş nazir qərarını seçkilər ərəfəsində prezidentə «kadr məsələləri də daxil olmaqla, qərarların seçimində tam azadlıq vermək» istəyi ilə əsaslandırıb.
Viktor Alekseyeviç Zubkov 1941-ci il sentyabrın 15-də Sverdlovsk vilayətində anadan olub. 1965-ci ildə Leninqrad Kənd Təsərrüfatı İnstitutunun iqtisadiyyat fakültəsini bitirib.
İqtisad elmləri namizədidir.
2004-cü il martın 16-dan Maliyyə Monitorinqi üzrə Federal Xidmətin sədridir.
Evlidir, bir qızı var.