Avtomobil qəzasında Yevlaxda 7, Şamaxıda 4 nəfər ölüb

Sentyabrın 10-da səhər saat 8 radələrində Yevlax rayonu ərazisində 7 nəfərin ölümü, 4 nəfərin isə xəsarət alması ilə nəticələnən ağır yol qəzası baş verib.

Bakı-Qazax yolunun 293-cü kilometrliyində Yevlax şəhərinin Aran qəsəbəsi ərazisində «Ford» markalı yük daşıyan avtomobillə «Qazel» markalı sərnişin daşıyan avtomobil toqquşub.

Zərərçəkənlər Yevlax regional və təcili-təxirəsalınmaz xəstəxanasına yerləşdirilib. Yaralıların vəziyyətinin orta ağır olduğu bildirilir.

Bu səhər saat 8.50-də isə Bakı-Şamaxı yolunun 66-cı kilometrliyində «Mersedes» və «Vaz 2106» markalı avtomobillər qarşı qarşıya gələrək toqquşub.

Qəza nəticəsində 4 nəfərin öldüyü bildirilir. 1 nəfər yaralanıb.

Məlumatı «Azadlıq» radiosuna Daxili İşlər Nazirliyinin Dövlət Yol Polisi İdarəsi verib.