Bakı Şəhər Prokurorluğunda yaradılmış istintaq qrupu Yasamal rayonu Murtuza Muxtarov küçəsində uçan binanın altında daha bir nəfərin qaldığını bildirir. Hadisə yerində olan «Azadlıq» radiosunun müxbiri xəbər verir ki, prokurorluq şahid ifadələri əsasında daha bir nəfərin dağıntılar altında qaldığı qənaətinə gəlib.
Bu vaxta kimi 24 meyit çıxarılıb. Onlardan birinin şəxsiyyəti müəyyənləşməyib. Həmin şəxsin Kürdəmirdən olan Akif Cəfərov olduğu ehtimal olunur.
Prokurorluğun itkin düşənlərin siyahısına əlavə etdiyi iki nəfərlə yanaşı Salyan rayon sakini Elnur Mürsəlov da axtarılır.
