Sentyabrın 6-da məşhur İtaliyan tenoru Luçano Pavarotti 72 yaşında vəfat edib. Pavarotti mədəaltı vəzinin xərçəngindən əziyyət çəkirdi.
Onu avqustun 25-dən xəstəxanadan evə buraxmışdılar. Müğənni Modena şəhərində ailəsinin yanında qalırdı.
Pavarotti 1935-ci oktyabrın 12-də Modenada anadan olub. O, ciddi musiqi təhsilinə 1954-cü ildə məşhur müğənni Arriqo Polanın yanında başlayıb. 1960-80-ci illər tenorun opera karyerasının çiçəkləndiyi dövrdür. O, çoxsaylı beynəlxalq müsabiqələrin qalibi və mükafatçısı idi.
