Nazirlər Kabineti (NK) Yasamal rayonunda bina uçqununda həlak olanların ailə üzvlərinə və xəsarət alanlara birdəfəlik yardım edilməsi barədə sərəncam verib. Bu barədə «AzərTAc» NK-nın Mətbuat Xidmətinə istinadən məlumat yayıb.
Sənədə əsasən, qəzada həlak olanların hər birinin ailəsinə 10 000, yaralananların hər birinə isə 3 000 manat birdəfəlik yardım ediləcək.
Sənəddə yardımın vətəndaşlara ödənilməsini təmin etmək Maliyyə Nazirliyinə tapşırılır.
