Orta və ali məktəblərin, uşaq baxçalarının ərazilərində təhsilə heç bir aidiyyəti olmayan tikinti işləri aparılır, hündürmərtəbəli binalar tikilir. Təhsil naziri Misir Mərdanov sentyabrın 5-də təhsil işçilərinin ümumrespublika müşavirəsində belə deyib. Onun sözlərinə görə, bəzi hallarda təhsil müəssisələrinin rəhbərləri buna göz yumurlar və şərait yaradırlar: «Hökumət bütün hallarda belə faktların qarşısını almalıdır».
Milli Məclisin Elm, Təhsil Daimi Komissiyasının sədri Şəmsəddin Hacıyev isə onda ali və orta məktəblərin ərazilərində tikinti işlərinin aparılması ilə bağlı hər hansı faktın olmadığını bildirir.