Ağ Evin məlumatına əsasən, prezidentin təyyarəsi Bağdadın qərbindəki aviabazaya enib. Buşu ABŞ-ın Dövlət katibi Kondoliza Rays, Milli Təhlükəsizlik üzrə müşavir Stiven Hedli müşayiət edir.
ABŞ-ın Müdafiə naziri Robert Qeytsin də İraqa gələcəyi xəbər verilir.
Sentyabrın ortalarında İraqdakı Amerika qoşunlarının komandanı Devid Petreus və ABŞ-ın Bağdaddakı səfiri Rayan Kroker Konqresə İraqdakı vəziyyətə dair məruzə təqdim edəcəklər. Hərbi əməliyyatın gələcəkdə maliyyələşdirilməsi haqda qərar həmin sənəd əsasında veriləcək.