ABŞ, Rusiya və Azərbaycan ekspertlərindən ibarət üçtərəfli komissiyanın Qəbələ RLS-ə planlaşdırılan səfərinin dəqiq vaxtı bəlli deyil.
Bu haqda APA-ya ABŞ-ın Azərbaycandakı səfirliyinin rəsmisi Conatan Henik məlumat verib:
«Rusiya təklif edir ki, üçtərəfli ekspert komissiyası sentyabrın 15-də Azərbaycana səfər etsin, ABŞ isə səfər üçün başqa tarix təklif edir.
Ona görə də hələlik səfərin vaxtını dəqiqləşdirmək mümkün olmayıb».
Avqustun 31-də Bakıda olan Rusiya Baş nazirinin müavini Sergey Narışkin bildirib ki, Bakıda Qəbələ RLS-dən birgə istifadə ilə bağlı ABŞ, Rusiya və Azərbaycan arasında üçtərəfli məsləhətləşmələrin keçirilməsi planlaşdırılır.
O, deyib ki, sentyabrın 15-də hər üç ölkə ekspertlərinin birgə işə başlamasını gözləyirlər.
