Avropa Birliyi ilə Rusiya arasında münasibətlər bu ölkədə demokratik azadlıqların vəziyyətindən asılı olacaq. Avropa Komissiyasının sədri Joze Manuel Barrozu belə deyir.
Fransanın «Fiqaro» qəzetinə müsahibəsində Barrozu bildirib ki, Avropa Birliyi əvvəlki kimi, Rusiyada insan haqlarına riayət olunmasına diqqət ayırmalıdır.
Avropa Komissiyasının rəhbərini xüsusilə təəccübləndirən odur ki, güc strukturlarının təsirinin güclü olduğu Rusiyada səs-küylü qətllər, o cümlədən jurnalistlərin öldürülməsi tez-tez baş verir, cinayətkarlar isə cəzasız qalırlar.