Keçid linkləri

2024, 29 Mart, Cümə, Bakı vaxtı 13:56

Bu yay qida zəhərlənmələri ən çox yemişdən olub


Ərzaq zəhərlənməsilə bağlı ölüm faktı qeydə alınmayıb
Ərzaq zəhərlənməsilə bağlı ölüm faktı qeydə alınmayıb

Bu yay ən çox qida zəhərlənmələri bostan bitkilərindən, əsasən də yemişdən olub. Bundan başqa, evdə konservləşdirilmiş və mağazalarda saxlama müddəti keçmiş ərzaq mallarından da zəhərlənmələr olub.


Bu barədə «Azadlıq» radiosuna Respublika Gigiyena və Epidemioloji Mərkəzin əməkdaşı Ziyəddin Kazımov məlumat verib. Onun sözlərinə görə, yemişdən zəhərlənmələr bu bitkinin tərkibindəki nitrat maddəsinin normadan iki dəfə artıq olmasıyla bağlıdır.


Ziyəddin Kazımov deyir ki, ötən səkkiz ayda ölkə ərazisində ərzaq zəhərlənməsilə bağlı xəstəxanalara 130-dan artıq müraciət edilib. Ərzaq zəhərlənməsilə bağlı ölüm faktı qeydə alınmayıb, xəstəxanaya müraciət edənlərin hamısı ilkin tibbi yardımdan sonra evə buraxılıb.


Kimyəvi zəhərlənmədən isə bir nəfər ölüb. Bu məlumatı isə Kliniki Tibbi Mərkəzin Toksikologiya Şöbəsinin baş həkimi Azər Maqsudov verib. Onun sözlərinə görə, son üç ayda mərkəzə ilan sancmasıyla bağlı 41, qaraqurd sancmasıyla bağlı səkkiz, spirtli içkidən zəhərlənmə halıyla bağlı isə 15 nəfər müraciət edib. İlan sancmasıyla bağlı bir hadisə isə ölümlə nəticələnib.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG