Antalya məhkəməsi qarşısında Misir pasportlu fələstinli Mommen Əbdül Əziz Talix və Türkiyə vətəndaşı Mehmet Reşat Özlü dayanıblar.
Ötən şənbə onlar Şimali Kiprdən İstanbula uçan təyyarəni qaçırıb, onu İran və ya Suriyaya endirməyi tələb ediblər. Cəhd baş tutmayıb və xəsarət alan olmayıb.
İstintaqda Talixin «əl-Qaidə» ilə əlaqəsi təsdiq olunub – 2004-cü ildə o, Əfqanıstanda terrorçuların düşərgəsində təlim keçib.