Keçid linkləri

2024, 29 Mart, Cümə, Bakı vaxtı 12:28

Müxalif KİV-ləri köçürürlər


Jurnalistlərə bazar qiyməti ilə başqa bina icarələmək tövsiyə olunur
Jurnalistlərə bazar qiyməti ilə başqa bina icarələmək tövsiyə olunur
Avqustun 10-da Tbilisinin mərkəzindəki «Samşoblo» nəşriyyatında yerləşən müxalif KİV-lərin köçürülməsinə başlanıb. Səhər tezdən polis binanı mühasirəyə alıb və hadisə yerinə dərhal gələn jurnalistlərin müqavimətinə baxmayaraq, redaksiyaların əmlakını küçəyə çıxarmağa başlayıb.

Hakimiyyət bu yolla müstəqil KİV-ləri məhv etməyə çalışdığı haqda ittihamları rədd edib. Tbilisinin meri Qiqi Uqulava deyib ki, söhbət əmlak mübahisəsindən və müəyyən media qrupun özgə əmlakına yiyələnmək cəhdindən gedir. O, jurnalistlərə bazar qiyməti ilə başqa bina icarələməyi tövsiyə edib.


«Samşoblo» nəşriyyatı dövlətə məxsusdur. Gürcüstanın İqtisadiyyat Nazirliyi dəfələrlə binanı auksionda satmağa cəhd edib. Amma özəl təşkilatlar, o cümlədən, «Kavkasiya» televiziyası və «Sakartvelos respublika» qəzeti binanı tərk etməkdən boyun qaçırıb.


İqtisadiyyat Nazirliyi və Tbilisi meri dəfələrlə bəyan edib ki, dövlət binasında yerləşən bu və digər özəl təşkilatlar faktiki olaraq icarəyə görə heç nə ödəmirlər.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG