Keçid linkləri

2024, 28 Mart, Cümə axşamı, Bakı vaxtı 23:38

«Xəqani küçəsi-33 Hesablama Palatasına verilib»


Baş nazirin müavini binanın daha bir neçə mərtəbə artırılacağını deyib
Baş nazirin müavini binanın daha bir neçə mərtəbə artırılacağını deyib

İyulun 31-i axşam Baş nazirin müavini Abid Şərifov Xəqani küçəsi 33-də yerləşən binaya gəlib. O, keçən ilin noyabrına qədər «Azadlıq» qəzetinin, Xalq Cəbhəsi Partiyasının, «Turan» İnformasiya Agentliyinin, «Bizim Yol» qəzetinin və digər ictimai təşkilatların ofislərinin yerləşdiyi bu binadakı təmir işlərinin gedişilə tanış olub.


Məlumatlı mənbələrdən «Turan»a bəlli olub ki, Şərifovun gəlişinə səbəb Nazirlər Kabinetinin sərəncamı ilə binanın Hesablama Palatasına verilməsi olub. Baş nazirin müavini ilk olaraq bu iki mərtəbəli binaya baxış keçirib və Təhsil Nazirliyinin sifarişilə aparılan təmirin dayandırılması barədə göstəriş verib. Bina keçən ilin noyabrında məhkəmənin qərarı ilə nazirliyə verilib.


Şahidlərin sözlərinə görə, Baş nazirin müavini binanın daha bir neçə mərtəbə artırılacağını deyib və bu işi xüsusi tikinti briqadalarının görəcəyinə işarə edib.


Təhsil Nazirliyindəki mənbələr idarənin təmir işlərinə xeyli miqdarda vəsait xərcləməsinə baxmayaraq, binanın onlardan alınması faktını təsdiqləyiblər.


Xəqani küçəsi-33-dəki bina Bakı merinin qərarı ilə 1992-ci ildən «Azadlıq» qəzetinə verilib. Buna qədər burada Müəllimləri Təkmilləşdirmə İnstitutu yerləşib. 2006-cı ilin noyabrında Təhsil Nazirliyinin binanın qaytarılması tələbilə verdiyi iddia təmin olunub, sözügedən kütləvi informasiya vasitələri və Xalq Cəbhəsi Partiyası binadan çıxarılıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG