Azərbaycanda QİÇS-ə qarşı mübarizə aparan təşkilatlar yazılarda etika qaydaları pozmamaq xahişilə KİV rəhbərlərinə müraciət ediblər.
Müraciətdə qeyd olunur ki, mətbuatda son dövrdə Azərbaycanda HİV/AİDS-lə bağlı həyata keçirilən tədbirlərin nəticələri heçə endirilir, müayinə üçün müraciət etmək arzusunda olan şəxslər bu addımdan çəkindirilir.
Təşkilatlar bildirir ki, mətbuat cəmiyyətdə HİV-li şəxslərə qarşı qorxu və narazılıq yaradır. Ən başlıcası isə gələcəkdə HİV-in yayılmasının qarşısının alınmağa yönəlmiş tədbirlərin nəticələrinə mənfi təsir göstərir.
Bu baxımdan da müraciəti imzalayan təşkilatlar istəyirlər ki, QİÇS-li şəxslərə qarşı mətbuatda etik çərçivələrə sığmayan ifadələrə yol verilməsin.
Rəsmi məlumatlara görə Azərbaycanda min nəfərdən sox HİV daşıyıcısı var.