MAQATE Şimali Koreyada nüvə reaktorunun dayandırıldığını təsdiqləyir

Beynəlxalq Atom Enerjisi Agentliyinin (MAQATE) müfəttişləri təsdiqləyirlər ki, Şimali Koreya özünün Yonbondakı yeganə nüvə reaktorunu dayandırıb.

Pxenyan iyulun 14-də bəyan edib ki, ölkəyə Cənubi Koreyadan yanacaqla dolu ilk tanker gələndən sonra reaktor dayandırılıb.

Şimali Koreya iqtisadi yardım müqabilində öz nüvə proqramını dayandırmağa razılıq verib.