Keçid linkləri

2024, 29 Mart, Cümə, Bakı vaxtı 09:23

«Şou-biznesdə bayağılıq və əxlaqsızlıq adi hala çevrilib»


«Teleefir şou-biznes ulduzları arasında məhkəmə çəkişmələrinə aparan intriqalarla doldurulub»
«Teleefir şou-biznes ulduzları arasında məhkəmə çəkişmələrinə aparan intriqalarla doldurulub»

Milli Məclisin Mədəniyyət Məsələləri üzrə Daimi Komissiyası payız sessiyasında şou-biznes sahəsində fəaliyyət haqqında qanun layihəsini hazırlamaq və müzakirə etmək niyyətindədir. Bu barədə «Turan»a komissiyanın rəhbəri Nizami Cəfərov bildirib. Onun sözlərinə görə, şou-biznes sahəsində intizamın yaradılması və fəaliyyətin nizama salınması üçün bu cür qanunun qəbul edilməsi zəruridir: «Xüsusilə, söhbət maliyyə pozuntularının qarşısının alınmasından gedir. Belə ki, klip, film və digər məhsulları istehsal edən bir çox şirkətlər, şou tədbirlərin təşkilatçıları vergidən yayınırlar».


Nizami Cəfərov həmçinin bildirir ki, şou-biznes sahəsində bayağılıq və əxlaqsızlıq adi hala çevrilib və bəzən incəsənətlə pornoqrafiya arasında sərhəd itir: «Teleefir şou-biznes ulduzları arasında məhkəmə çəkişmələrinə aparan intriqalarla doldurulub. Bütün bunlar cəmiyyətin mənəvi aşınması məqsədilə Qərbdən aşağı səviyyəli kütləvi mədəniyyətin ixracına şərait yaradır».


Deputatın fikrincə, telekanallarda ədəb-ərkan normalarına əməl və nəzarət edilməsi üçün cəmiyyətdə nüfuzu olan mədəniyyət xadimlərindən ibarət komissiyalar fəaliyyət göstərməlidir.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG