«Sərhədsiz reportyorlar» təşkilatı Azərbaycan hakimiyyətini 2 il 6 ay müddətinə azadlıqdan məhrum edilmiş «Müxalifət» qəzetinin baş redaktoru Rövşən Kəbirli və qəzetin şöbə redaktoru Yaşar Ağazadənin işinə yenidən baxmağa çağırıb.
«Turan»ın məlumatına görə, təşkilatın bəyanatı iyunun 4-də Apellyasiya Məhkəməsində «Müxalifət» qəzetinin əməkdaşlarının apellyasiya şikayətinə baxılması ilə əlaqədar verilib.
«Qanunvericilikdə tezliklə dəyişiklik etmək lazımdır. Təhqirə görə jurnalistləri azadlıqdan məhrum etmək olmaz» müraciətdə belə deyilir.
Mayın 16-da Yasamal Rayon Məhkəməsi Rövşən Kəbirlini və Yaşar Ağazadəni hər biri 2 il 6 ay müddətinə olmaqla azadlıqdan məhrum edib. Onlar akademik Cəlal Əliyevin xüsusi ittiham qaydasında qaldırdığı iddia əsasında həbs olunublar.
