Ermənistan parlamenti iyulun 3-də «Azadlıq» radiosunun erməni xidmətinin də respublika ərazisində fəaliyyətini xeyli məhdudlaşdıran xarici kütləvi informasiya vasitələri haqqında qanunu qəbul edə bilməyib.
Yetərsayın olmaması üzündən baş tutmayan səsvermə ötən həftə də keçirilmişdi. O zaman qanun layihəsinin təsdiqi üçün üç səs çatmamışdı.
Bu qanunu müstəqil ekspertlər prezident seçkisi ərəfəsində informasiya mənbələrinə çıxışı inzibati yollarla məhdudlaşdırmaq cəhdləri kimi qiymətləndirirlər.