İyunun 29-da İsveçrənin Nyon şəhərində UEFA Çempionlar Liqasının birinci və ikinci təsnifat mərhələsinin püşkatması keçirilib.
2006-2007-ci il mövsümünün Azərbaycan çempionu «Xəzər Lənkəran» klubunun ilk mərhələdəki rəqibi Xorvatiyadan «Dinamo Zaqreb» klubu olacaq.
Bu cütlüyün qalibi ikinci mərhələdə «Domjale» (Sloveniya) – «Tirana» (Albaniya) cütlüyünün qalibi ilə qarşılaşacaq.
İkinci mərhələdən mübarizəyə qoşulacaq Türkiyənin «Beşiktaş» klubu «Şerif» (Moldova)- «Reyncers» (Andorra) cütlüyünün qalibi ilə qarşılaşacaq.
Birinci mərhələnin ilk oyunları iyulun 17-18-də, cavab oyunları isə iyulun 24-25-də keçiriləcək.
