Naxçıvan Muxtar Respublikasının Ordubad rayonunun Vənənd kənd sakinləri İranın Məşhəd şəhərindən ziyarətdən qayıdarkən qəzaya düşüblər. Avtobus Tehran yaxınlığında iyunun 21-də səhər saatlarında qəzaya uğrayıb. Avtobusun içərisində 25 Vənənd kənd sakini olub.
Ziyarətdən qayıdanların «Azadlıq» radiosuna verdiyi məlumata görə qəza nəticəsində iki nəfər ölüb, birinin vəziyyəti ağır olmaqla 9 nəfər yaralanıb.
Ölənlərdən 78 yaşlı Bakı şəhər sakini Rubabə Yusifovanın və 65 yaşlı kənd sakini Məhəmməd Rzayev dəfn edilib.
Qəzada 12 yaşlı uşağın ağır yaralandığı deyilir. O, Tehran xəstəxanasında əməliyyat olunub, vəziyyəti orta ağırdır.
