2025-ci ilə qədər Şərqi Avropa və keçmiş Sovet İttifaqı ölkələrində əhalinin yaşlaşması iqtisadi böhran yaradacaq. Bunun qarşısını almaq üçün pensiya və səhiyyə islahatları aparılmalıdır. Bu fikirlər Dünya Bankının açıqlanan yeni hesabatında yer alıb.
Hesabata görə, 2025-ci ilə qədər bu ölkələrdə əhali dünyada ən yaşlıların sırasında olacaq. Azərbaycan da daxil olmaqla doqquz ölkədə sakinlərin beşdə birinin yaşı 65-dən yuxarı olacaq.
Bu da regionun iqtisadi uğurlarına təhlükə yaradacaq. «İndi Şərqi Avropa və keçmiş Sovet İttifaqı-Rusiyadan tutmuş Albaniyaya kimi 28 ölkə sürətlə qocalmanın fəsadları ilə üz-üzədirlər. Bu ölkələrdə əhali nisbətən yoxsul yaşayır, əsl bazar iqtisadiyyatına keçilməyib».
Dünya Bankı həmin ölkələri iqtisadi keçid dövrünü sürətləndirməyə, demoqrafik dəyişikliklərlə bağlı uzun müddətli islahatlar aparmağa çağırır.
