Rəbiyyət Aslanova: «Azərbaycan insan alverində tranzit ölkə rolunu oynayır»

Azərbaycan insan alverində tranzit ölkə rolunu oynayır və belə hallar var. Bu barədə «Trend»ə Milli Məclisin İnsan Hüquqları daimi komissiyanın sədri Rəbiyyət Aslanova bildirib.

Onun fikrincə, Azərbaycanda insan alveri ilə bağlı faktlara rast gəlinir. Lakin bir-iki hadisə Azərbaycanın insan alverində mənbə rolunu oynadığını deməyə əsas vermir.

ABŞ Dövlət Departamenti 2006-cı ildə dünyada insan alverinə qarşı aparılan mübarizə və bu sahədə olan vəziyyətə dair hesabat açıqlayıb. Hesabatın Azərbaycana aid olan hissəsində bildirilir ki, ölkə insan alverində həm mənbə, həm tranzit rolunu oynayır.