«Türkmənistan Azərbaycanla əməkdaşlığa böyük maraq göstərir. Aşqabad enerji, iqtisadi əməkdaşlıqda maraqlıdır. Sankt-Peterburqda da bunun şahidi olduq». Azərbaycanın Xarici İşlər naziri Elmar Məmmədyarov iyunun 11-də jurnalistlərə açıqlamasında belə deyib. Onun sözlərinə görə, Türkmənistan Bakıda səfirliyini bərpa etmək qərarına gəlib.
Nazir onu da deyir ki, Türkmənistanın qaz və neftinin Xəzər vasitəsilə dünya bazarına çıxarılması - Trans-Xəzər layihəsi də hökumətlərarası müzakirələrin mövzusudur. Amma bütün bu suallara birgə komissiya yaradılandan sonra cavab tapılacaq.