Bunu İraqdakı Amerika komandanlığı etiraf edir.
Hərbçilərin dediyinə görə, son dörd ayda İraq paytaxtında əlavə bölmələrin yerləşdirilməsinə baxmayaraq, təhlükəsizlik sahəsində vəziyyət mürəkkəb olaraq qalır.
İyunun 4-də «əl-Qaidə» ilə bağlı olan qruplaşma mayın ortalarında tutduğu üç Amerika hərbçisini öldürdüyünü bəyan edib.
Bu barədə Qərb informasiya agentliklərinə təqdim olunan videoyazıda deyilir. Amma yazıda qətlə aid heç bir sübut yoxdur və cəsədlər də göstərilmir.
Bir neçə gün əvvəl Fərat çayında tutulan Amerika əsgərlərindən birinin meyiti tapılıb.