İyunun 4-də bir çox jurnalistləri yenidən sabiq İqtisadi İnkişaf naziri Fərhad Əliyevin məhkəmə prosesinə buraxmayıblar.
«Turan» xəbər yayıb ki, prosesə ABŞ səfirliyinin, ATƏT-in Bakı ofisinin, Reportyorların Azadlıq və Təhlükəsizlik İnstitutunun müşahidəçiləri də buraxılmayıblar.
Məhkəmə bunu «zalda yerlərin olmaması» ilə əsaslandırır.
Fərhad Əliyev, onun qardaşı və daha 17 nəfər vəzifə səlahiyyətlərini aşma, qaçaqmalçılıq və Cinayət Məcəlləsinin bir sıra maddələri ilə təqsirli bilinirlər.