Ukrayna prezidenti Viktor Yuşşenko Ali Radanın iyunun 1-də qəbul etdiyi seçkilər haqqında yeni qanunu imzalayıb.
Bundan əvvəl prezident, Baş nazir və Ali Radanın spikerinin əldə etdiyi razılaşmaya əsasən, erkən parlament seçkiləri sentyabrın 30-da keçirilməlidir. Yeni qanun seçkini həmin tarixdə keçirməyə imkan verir.
Ukrayna parlamenti həmçinin Mərkəzi Seçki Komissiyasının yeni tərkibini təsdiq edib.
Elə iyunun 1-də Viktor Yuşşenko Ukraynanın Baş prokuroru Aleksandr Medvedkonu öz vəzifəsində bərpa edib. O, bu vəzifəni 2006-cı ilin noyabrından tutur.
