Türkmənistanın şərqindəki Türkmənabad şəhərində keçmiş prezident Saparmurat Niyazovun heykəllərindən biri uçurdulub. Bu haqda müxalif kütləvi informasiya vasitələri xəbər verir.
«Türkmənistanın xronikası» saytının məlumatına görə, şəhərdə bütün türkmənlərin atası sayılan mərhum liderin - Türkmənbaşının portretləri də xeyli azalıb.
Niyazovun uzun illər hakimiyyəti dövründə ölkədə onun çoxlu heykəlləri ucaldılıb, onun şərəfinə küçələrin, zavodların, hətta şəhərin adları dəyişdirilib.