Qazax rayonunun İkinci Şıxlı kəndində Xram çayının üstündə tikilən, yaxın bir neçə gündə açılışında ölkə başçısı İlham Əliyevin də iştirak edəcəyi gözlənilən 200 metrlik körpünün bir hissəsi çöküb. Qazax Rayon İcra Hakimiyyəti başçısının müavini Fərman Nağdəliyevin «Azadlıq» radiosuna verdiyi məlumata görə, qəzaya Kür çayının səviyyəsinin qalxması, daşqınlar səbəb olub. Onun sözlərinə görə, qəzanın nəticələri tezliklə aradan qaldırılacaq.