Hüquq Müdafiə Təşkilatlarının Monitorinq qrupu «Gündəlik Azərbaycan» və «Realnıy Azerbaydjan» qəzetlərinə və ümumiyyətlə son vaxtlar jurnalistlərə təzyiqlərin güclənməsilə bağlı Azərbaycandakı beynəlxalq təşkilatlar, xarici ölkə səfirlərilə görüşlərə başlayıblar. Mayın 25-də onlar Avropa Şurası baş katibinin xüsusi nümayəndəsi Denis Bribosia ilə görüşüblər.
Qanunçuluğun Müdafiəsi Bürosunun rəhbəri Səidə Qocamanlı deyir ki, onlar ATƏT-ə üzv ölkə səfirlərinin Azərbaycanda mətbuata olan təzyiqlərlə münasibət bildirmələrini istəyirlər.
Hüququ müdafiəçiləri indiyə qədər ABŞ, Böyük Britaniya, Fransa səfirləri və ATƏT-in Bakı ofisinin rəhbərilə görüşüblər. Növbəti görüş Almaniya səfirliyində olacaq.
Səidə Qocamanlı deyir ki, bütün görüşlərdə beynəlxalq təşkilatların nümayəndələri və diplomatlar jurnalistlərə təzyiqlərdən narahat olduqlarını bildiriblər.