«Siyasi, iqtisadi və başqa sahələrdə əməkdaşlığı inkişaf etdirmək üçün Azərbaycanla Türkmənistan arasında hökumətlərarası komissiya yaradılsın».
Bunu Bakı Aşqabada təklif edir. Təklifi Türkmənistan prezidentinə Azərbaycanın Xarici İşlər naziri Elmar Məmmədyarov çatdırıb. O, Aşqabadda Türkmənistan prezidenti Qurbanqulu Berdıməhəmmədovla görüşüb. Məlumatı türkmən televiziyası yayıb. Məmmədyarov deyib ki, Xəzərin müxtəlif sahillərində yaşayan dost xalqların birgə maraqları çoxdu. O, Azərbaycan prezidenti İlham Əliyevin Berdıməhəmmədova məktubunu da çatdırıb. Məmmədyarovun bildirdiyinə görə, Əliyev məktubda yazır ki, Azərbaycan Türkmənistanla qarşılıqlı münasibətləri daha da sıxlaşdırmaqda maraqlıdı.
Berdıməhəmmədov isə Türkmənistanın Azərbaycanla mədəni əməkdaşlıqda çox maraqlı olduğunu deyib. Onun fikrincə, bu, iki xalqın münasibətlərini daha da yaxınlaşdırar.
