2003-cü il prezident seçkilərindən sonra baş verən kütləvi etiraz aksiyalarında jurnalistə və bir neçə polisə xəsarət yetirməkdə ittiham olunaraq 4 il azadlıqdan məhrum edilən Müsavat partiyasının üzvü Mehdi Mehdiyev azadlığa buraxılıb.
Apelyasiya Məhkəməsi mayın 24-də ona üç il şərti cəza verib.
Mehdi Mehdiyev 3 il axtarışda olandan sonra ötən ilin sentyabrında könüllü hüquq mühafizə orqanlarına təslim olub.
O, 2003-cü il prezident seçkilərindən sonra oktyabr hadisələri zamanı «Lider» televiziyasının müxbirinə və bir neçə polis əməkdaşına xəsarət yetirməkdə günahlandırılırdı. Mehdi Mehdiyev Səbail məhkəməsinin qərarı ilə 4 il müddətinə azadlıqdan məhrum edilmişdi və 10 ay həbsdə olub.
Mehdi Mehdiyev ona qarşı irəli sürülən ittihamlarla özünü təqsirli bilmədiyini deyir.
