2007-ci ildə Azərbaycanın dövlət büdcəsi minimum 500 mln. manat artırılacaq. Bunu mayın 15-də Milli Məclisin İqtisadi siyasət daimi komissiyasının sədri Ziyad Səmədzadə «Trend»ə deyib.
Dövlət büdcəsinin artırılması ilə bağlı məsələ mayın 21-də İqtisadi siyasət daimi komissiyasının iclasında və mayın 25-də parlamentin plenar iclasında müzakirə olunacaq.
Komissiya sədri deyib ki, əlavə vəsaitlər əsasən sosial xərclərin artırılmasına və istehsal-sosial infrastrukturunun inkişafına yönələcək.